Heilræði dagsins
Þótt þú gefir heiminum það besta sem þú sem þú átt, verður það aldrei nóg: ~ Haltu áfram að gefa heiminum það besta sem þú átt, þrátt fyrir það.
Móðir Teresa


Guðspjöll
Markúsarguðspjall 12:24 
Jesús svaraði þeim: Er það ekki þetta, sem veldur því, að þér villist: Þér þekkið ekki ritningarnar né mátt Guðs?
                    Unglingakór Selfosskirkju í Salnum í Kópavogi
Kórinn kom fram á tónleikaröð "Franz Liszt í 200 ár"
Síðustu tónleikar í þeirri röð voru í Selfosskirkju 2. nóv. 2011
17.5.2012
Sjötti sunnudagur eftir páska og kyrrðarbæn

Messa nk. sunnudag, sem er sjötti sunnudagur eftir páska, kl. 11:00. Prestur sr. Kristinn Ágúst Friðfinnsson. Kirkjukór Selfoss undir stjórn Jörgs Sondermann leiðir söng. Súpa, brauð og kaffi í safnaðarheimilinu eftir messu.

Ástæða er til að vekja athygli á kyrrðarbæninni á mánudögum kl. 17:30. Nýliðar eiga að mæta kl. 17:15. Kyrrðarbænin veitir sannan innri frið og opnar farveg fyrir anda Guðs til að efla gróanda á þeim djúpmiðum sálarinnar sem við sjálf náum ekki til í eigin mætti.

Lesa meira..


14.5.2012
UPSTIGNINGARDAGUR

Dagur eldri borgara
Messa á uppstigningardag, fimmtudag, sem jafnframt er dagur eldri borgara, kl. 11:00. Sr. Auður Eir Vilhjálmsdóttir, fyrsta prestsvígða konan á Íslandi, predikar. Sr. Kristinn Ágúst Friðfinnsson þjónar fyrir altari. Hjörtur Þóarinsson formaður Félags eldri borgara á Selfossi og Arndís Erlingsdóttir formaður Hörpukórsins lesa ritningarlestra. Kirkjukór Selfoss undir stjórn Jörgs Sondermann leiðir söng. Súpa, brauð og kaffi í safnaðarheimilinu eftir messu.
Lesa meira..


12.5.2012
Sauðkrækingar syngja á tónleikum 12. maí kl. 17

Kirkjukór Sauðárkrókskirkju er í heimsókn á Suðurlandi þessa dagana ásamt sóknarpresti sínum, sr. Sigríði Gunnarsdóttur, og organistanum Rögnvaldi Valbergssyni.  Kórinn syngur með Kirkjukór Selfosskirkju í fermingarmessu laugardaginn 12. maí kl. 11.  Síðan munu kórfélagarnir úr Skagafirðinum halda tónleika kl. 17 sama dag í kirkjunni.  Efnisskráin er fjölbreytt og aðgangur ókeypis - allir velkomnir!
Lesa meira..


9.5.2012
Fundir með foreldrum/forráðamönnum fermingarbarna vorið 2013

Nokkrar breytingar verða á skipulagi fermingarstarfanna næsta vetur og felast þær m.a. í því að boðið verður upp á fræðslunámskeið dagana 13.-17. ágúst (mán-fös).  Þungamiðja fræðslunnar mun fara þar fram en auk þess verða reglulegar samverur yfir veturinn.  Til að kynna og ræða skipulag fermingarstarfanna veturinn 2012-2013 viljum við bjóða ykkur til fundar í Selfosskirkju mánudaginn 14. maí  kl. 20 eða þriðjudaginn  15. maí kl. 20 (ath. nóg er að mæta á annan hvorn fundinn).  Á fundinum verður líka hægt að nálgast skráningarblað vegna fermingarfræðslunnar þar sem fram koma fermingardagar vorsins 2013.

Lesa meira..


6.5.2012
12.-13. maí: Síðustu fermingar vorsins

Síðustu fermingarnar í Selfosskirkju á þessu vori verða helgina 12.-13. maí.  Fermt verður kl. 11 og 13:30 á laugardeginum 12. maí og kl. 11 sunnudaginn 13. maí.  Prestar kirkjunnar þjóna, kirkjukórinn leiðir sönginn og organisti er Jörg Sondermann.
Lesa meira..